“Nagulat naman ako sa ‘yo, Hugo. Para kang pusa, hindi ko narinig ‘yung pagpasok mo,” natatawang sabi kay Hugo ni Selena.
“I’m not a cat, but I love cats,” sagot ni Hugo pero si Aaliyah ang nasa isip niya. “Anyway, ano bang hinahanap mo?” tanong niyang muli sa dalaga. “Maybe I can help,” dagdag pa niya.
“I’m looking for a shirt. Naisip ko kasi na baka madumihan ko ‘tong dress na pinahiram ni Manang Elisa sa ‘kin. Habang nandito ako, damit mo sana muna ang susuotin ko, tapos magpapalit na lang uli ako mamaya bago ako umuwi. Okay lang ba?”
“Sure. Kumuha ka lang d’yan ng gusto mo,” sagot ni Hugo at pagkatapos ay inilapag ni Hugo sa ibabaw ng lamesita ang hawak niyang bowl na may laman na popcorn at hinila naman niya ang lamesita papunta sa tabi ng kama, bago niya ilapag din dito ang hawak
