Halik pa lamang ni Hugo, pakiramdam ni Selena ay nakarating na siya sa langit. Hindi niya akalain na ganito pala kasarap na mahalikan, at masaya siya na kay Hugo niya ito unang naranasan. Mabuti na lamang ay hindi siya nito tinanggihan, dahil sa totoo lang habang nanonood sila kanina’y hindi siya mapakali, at may takot din sa kanyang dibdib dahil baka hindi magustuhan ni Hugo na siya na naman ang naunang magpakita ng motibo sa kanilang dalawa.
Sabi niya kay Hugo, gusto niyang bumalik sila sa dati. ‘Yung magkaibigan lang, ‘yung walang malisya. Ngunit pagkatapos siyang mahalikan ni Hugo kahapon ay hindi na niya ito maalis sa isip niya. Hindi na pala niya kaya na bumalik sila sa dati, dahil hindi niya kayang pigilan ang nararamdaman niya para kay Hugo. Kahit hindi niya maintindihan ang kany
