“May mga assignments ako, Gael,” tanggi niya sa alok nito. Para kasing niyayaya siya nito sa isang date. Lalo pa’t may pa-surprise pa itong nalalaman.
“Ako ang gagawa para sa ‘yo. Lahat ng pinag-aaralan mo ngayon, napag-aralan ko na,” mabilis na sagot nito na hindi man lang tinanong kung tungkol saan ang assignment niya.
“Math ‘yon. Ang daming sasagutan. Sobrag hirap pang magbigay ng assignment ng teacher namin.”
“Sisiw. Kaya ko ‘yan. Lumaban ako sa math quiz bee ‘di ba?” Natatandaan ‘yon ni Aaliyah dahil nanuod pa siya ng laban ni Gael kasama si Hugo. Mga estudyante na galing sa iba’t ibang schools pa ang nakalaban nito at lahat ng ito’y tinalo ni Gael.
Pagkatapos nga ng laban ni Gael ay pumunta sila sa restaurant para mag-celebrate, at si Hugo ang nagluto para sa kanila. Masaya ang a
