“Ayaw mo bang ipakita kay daddy ang lugar na ‘to?” tanong ni Aaliyah kay Gael pagkatapos niyang ibalik ang takip ng plastic container na pinaglagyan ng pagkain. Masarap ang luto ni Gael kaya naubos niya itong lahat. Simot, at ilang butil lang ng kanin ang natira. Sa tingin nga ni Aaliyah mapapalago ni Gael ang negosyong restaurant dahil sa galing nito sa pagluluto. Kung ilalagay din ni Gael sa menu nila ang pinatikim sa kanya ngayon ay sigurado siyang papatok din ito.
Umiling si Gael. “This is our special place now. Ikaw ang una at huling dadalhin ko rito.”
“Bakit ako, Gael?” tanong ni Aaliyah, kahit na ang gusto niya sanang sabihin ay, sana hindi na lang ako. Sana hindi na lang siya ang babaeng nagustuhan ni Gael para hindi maging kumplikado ang buhay nila. Kumplikado na nga ang relasyo
