“This can’t be real,” bulong ni Hugo sa kanyang sarili habang nakatingin pa rin sa babaeng kahawig ni Aaliyah. “Am I dreaming?” tanong niya sa kanyang sarili. Tinapik pa niya ang kanyang pinsgi para lang masiguradong hindi siya nananaginip. “Imposible,” bulong na naman niya.
Nakita niya ang resulta ng DNA test, ang mga labi ni Aaliyah bago ito ipasok sa kabaong na siya mismo ang pumili, at nang tabunan ito ng lupa, mahigit dalawang taon na ang nakakaraan, kaya imposibleng nasa harapan niya ngayon si Aaliyah na buhay na buhay.
Dahan-dahan siyang naglakad palapit sa babae na mahimbing pa ring natutulog. Patalungko siyang naupo sa tabi niya at pinagmasdan niya ang maamo nitong mukha. Parang anghel sa paningin ni Hugo ang babae lalo pa’t nakasuot ito ng kulay puti.
“Totoo ka ba o imahinas
