“Bakit ayaw mong mapanood ko?” nangingiting tanong kay Hugo ni Selena. “Ayaw mo bang makita ko ‘yung hair styles at porma mo noon?”
“Ngayon pa lang nangingiti ka na. Kapag napanood mo, mamaya tumatawa ka na. Lahat ng ‘yon wala na sa uso, Selena.”
“Ikaw pa rin naman ‘yon. Nasa ibang panahon nga lang,” sabi ni Selena sa kanya habang nangingiti pa rin.
“Ibang panahon? Movies ko ang plano mong panoorin, hindi ng mga ninuno natin. Hindi pa ‘ko gano’n katanda,” pangiti-ngiti ring sagot ni Hugo.
“Alam ko. Hindi ka pa matanda at marami ka pang kayang gawin. Kaya ngayon, pasayahin mo ‘ko, para makalimutan ko na talaga ‘yung panaginip ko. Let me watch your movies.”
“I don’t have copies here. Nando’n lahat sa Manila.”
“May laptop ka. Nakita ko, nando’n sa office mo sa baba. Pwede natin hanapin
