“Hugo, hindi ka na nakapagsalita d’yan,” nangingiting sabi ni Selena. Nangiti lamang si Hugo at napahimas sa kanyang batok, dahil sa hiyang nararamdaman niya dahil sa bagay na pumasok sa isipan niya kani-kanina lamang. “Binibiro lang kita,” sabi pa nito sa kanya at pagkatapos ay umangkla pa ito sa kanyang braso. “Alam ko naman na hindi mo kayang gawin ‘yon. Suplado ka lang, pero alam kong hindi mo kayang manakit ng tao.” Nakatingin lamang si Hugo kay Selena at sa braso nitong nakakapit sa kanya hanggang sa mapansin ito ng dalaga kaya mabilis itong bumitaw. “Sorry,” sabi ni Selena sa kanya at pagkatapos ay napakagat pa ito sa ibabang parte ng labi. “Masyado na ata akong nagiging clingy sa ‘yo,” nahihiyang sabi ng dalaga habang hindi makatingin sa kanya nang maayos. “Ikaw kasi, bakit ang—” B
