Kabanata 33: Sundo
2015 Dumaan ang gabi nang walang nangyari. Kahit buhay pa ang lalaking ‘yon, siguradong maglalaan ng panahon iyon para magpagaling. Hindi lang basta mababaw na sugat ang tatlong tama ng bala ng baril sa dibdib. Pero hindi ito naging dahilan ng pagkakampante ng mga binata at ni Mang Pol. Hindi nila alam kung kailan ito babalik. Isang hapon, pinagsalu-saluhan nila ang mga indian mango na pinitas ni Mang Pol. Bumili siya ng bagoong para may pangsawsaw sa maasim na prutas. Nagulat sila nang may malakas na katok sa pinto ng bahay ni Mang Pol. Binuksan ito ni Vincent. Tumambad sa harap niya ang isang babaeng nasa quarenta y cinco anos ang edad. “Sino ‘yun?” tanong ni Mang Pol. “Sino po hanap n’yo?” tanong ng babae kay Vincent. “Nandiyan ba si Miguel?” Tumayo si Miguel nang marinig ang pang
- Writer
