Kabanata 32: Interrogation Room
2015 Agad nagpatayo kay Ricky ang sigaw ni Vincent. Nataranta pa siya lalo nang makita ang nasa likod niya. Lalaking kalbo. Mas nakita pa niya ang parang walang buhay nitong mukha sa ilaw ng interrogation room. At ngayon lang niya nakita ang peklat nito sa ulo. “Watdapak!” bulalas niya. Ilang hakbang na lang ang layo niya rito. Agad niyang kinuha ang monobloc at ibinato rito saka siya tumakbo. Napahinto siya nang tumama sa mukha niya ang kamao ni Aaron at tumuba siya sa malamig na sahig. “Walang hiya,”sabi ni Vincent. “Tuta ka rin pala talaga.” Sinugod niya si Aaron at sinunggaban sa kuwelyo ng uniporme. Pinipilit niya itong mapatumba, pero walang sinabi ang alam niya sa combat sa mga training na ginawa ni Aaron para sa serbisiyo niya. Tumama sa sikmura niya ang tuhod ng pulis nang dalaw
- Writer
