"Eduard, kumalma ka nga. Masyado ka namang rude sa bisita." Saway ko sa asawa ko na mukhang hindi nagustuhan ang lalaking bisita ng bunso kong kapatid.
"Bakit pinapayagan mo na magkaroon ng manliligaw ang kapatid mo gayong alam mong may asawa na siya?" seryoso niyang tanong sa akin habang nakahawak pa sa kanyang baywang.
"Matagal ng hiwalay sina Lyndon at Abby. Kaya wala naman akong makita na dahilan para pigilan ang sinuman na nais ligawan ang kapatid ko." Katwiran ko naman.
"Nakakasiguro ka ba na hiwalay na sila? Oo, naghiwalay sila pero sa papel kaya? Wala na nga bang bisa ang kasal nilang dalawa?" mga tanong ni Eduard na nagpa-kunot sa noo ko.
Anong ibig sabihin ng asawa ko? Hindi pa legal na hiwalay sina Lyndon at Abby?
"Ibig mo bang sabihin ay hindi pa legal na hiwalay ang mag-a
