"Mama?" gulat kong sabi nang tuluyan ko nang makita ang itsura ng babaeng tinatawag na mama ni Fire.
Hindi ko alam kung ano ang mararamdaman ko, kung magiging masaya ba ako o makararamdam ng labis na galit sa kaniya, hindi ko alam kung dapat ba akong matuwa dahil nakita ko na siya o dapat akong makaramdam ng galit dahil sa tinagal-tagal ng panahon, narito lang pala siya at mayro'n ng ibang pamilya.
"Mary... Hellia Mary?" balik niyang tanong sa akin na sapat na sapat na upang tuluyan nang pumasok sa isipan ko ang lahat, na siya ngang talaga ang nanay ko.
"Paano mo nagawa sa amin 'to ni Papa? Paano mo nagawang makisama sa iba kahit na alam mong may pamilya ka? Paano mo nagawa sa amin ang mga bagay na 'to? Alam mo ba na namatay si Papa nang dahil sa 'yo? Alam mo ba 'yon?!" sunod-sunod kong
