"Hell, nandiyan ka ba?"
Naitulak ko nang sobrang lakas si Fire nang marinig ko ang boses ni Heaven.
"Wala yata siya riyan," ani Paradise.
Napalunok ako nang mariin at napatingin sa kung saan-saan. Kung hindi pa kumatok sina Heaven at Paradise, baka may nangyari na sa amin ni Fire. Ano ba 'tong mga pinaggagawa ko?
"Saan naman siya pupunta?" nagtatakang tanong ni Heaven kay Paradise.
Dali-dali kong ibinalik sa ayos ang damit kong hindi na maipaliwanag kung saan lalagay. Ang gulo na rin ng buhok ko at hindi ko na alam kung ano ang nangyari sa itsura ko. Para akong binagyo sa sobrang gulo ng pagmumukha ko ngayon.
"Nandito kami ni Hell sa loob, pumasok na kayo," ani Fire dahilan para manlaki ang mga mata ko.
"Fire?" nagtatakang tanong ni Paradise kasabay ng bahagyang pagbukas ng pintuan
