"Teka lang, Hell. Bakit kasi pabigla-bigla 'yong desisyon mo? Hindi kita ma-gets, seryoso. Hindi ko gusto na magsalita na parang ako 'yong nagbuo ng banda, ah. Hindi ko lang talaga maintindihan," mahabang sabi ni Heaven na paulit-ulit na kinokontra ang naging desisyon ko.
Napapikit ako nang mariin at napasapo na lamang ako sa aking mukha dahil hindi ko rin maintindihan kung bakit ang bilis ng naging desisyon ko. Bukod sa oportunidad ito para mas lalo kaming makilala, parang may hinihintay pa ako na kakaiba. Parang may iba akong inaasahan at talagang 'yon ang hindi ko maintindihan.
"Nangbigla sila, they didn't tell us na ngayon na pala 'yon. This is a big chance for us pero hindi kasi gano'n 'yon. Dalawa lang ang magiging resulta n'on, kung sisikat ba tayo dahil sa gusto nila sa atin o si
