"T-Teka, sure ka ba talaga? Hala, hindi ka talaga nagbibiro? Tayo na? Walang halong joke?" sunod-sunod na tanong ni Fire sa akin na para bang hindi makapaniwala sa mga salitang lumabas sa bibig ko.
Hindi ako sumagot sa kaniya, sa halip ay ngumiti lang ako at hinayaan ko siyang nakanganga na para bang hindi talaga makapaniwala.
"Sige, hayaan mo na lang, binabawi ko---"
Hindi ko na naituloy ang sasabihin ko nang yakapin ako ni Fire nang napakahigpit at nang gawin niya 'yon ay nakaramdam ako ng kakaiba, nakaramdam ako ng labis na tuwa sa hindi ko malamang dahilan.
"Wala nang bawian, kahit mukhang sinagot mo lang ako dahil sa ticket, wala pa ring bawian," sunod-sunod niyang sabi na hindi ko magawang sagutin.
Hindi ko rin alam kung bakit biglaan ko 'yong sinabi, kung bakit biglang nabitiwa
