Buong maghapon lang akong nakatulala. Hindi ko rin nagawang matulog o umidlip man lang. Sa bawat oras na lumilipas si Fire lang ang palaging lumilitaw sa isipan ko. Para na akong mababaliw, hindi ko na maintindihan ang sarili ko.
Bakit ko ba naman kasi siya niyakap? Ano ba ang nasa isip ko ng mga oras na 'yon? Para na akong mababaliw ng dahil lang do'n.
"Nakakainis ka na! Bakit ba ayaw mong umalis sa utak ko? Ayaw ko nang isipin ka kung puwede lang!" sunod-sunod kong sigaw na para bang nasisiraan na ako ng ulo.
Pinaghahampas-hampas ko ang unan na nasa harapan ko. Kanina pa magkasalubong ang kilay ko sa hindi malamang dahilan, mukhang nababaliw na ngang talaga ako.
"Lubayan mo na 'ko," muli kong sambit sa hangin.
Mayamaya'y kumalma na ako lalo na nang makita ko na ang unti-unting pag
