"Hell, patawarin mo na naman kami, sige na, sorry na. Pansinin mo na kami," ani Paradise.
Kanina pa nila ako kinukulit ni Heaven pero hanggang ngayon, hindi pa rin ako nagsasalita at hindi ko pa rin sila kinakausap. Ayaw ko na munang makipagkomunikasyon sa kanila dahil baka kung ano lang ang masabi ko.
Alam nila na masasaktan ako, alam nila na ganito lang ang mangyayari lalo't naganap na ito noon. Ayaw na ayaw ko sa kantang 'yon at alam na alam nila 'yon kaya paano nila nagawa sa akin ang ganitong bagay?
"Hell, magpapaliwanag kami," ani Heaven na hindi ko pinansin.
Pilit nilang hinuhuli ang mga mata ko pero todo iwas ako sa kanila. Gusto kong sabihin na umalis na muna sila at iwan na muna nila ako nang mag-isa pero hindi ko magawa dahil ayaw kong ibuka ang bibig ko para magsalita. Aya
