Nilalamig na ako pero hindi ko pa rin magawang umalis sa tabi ni Fire. Hindi ko alam kung bakit ganito ang nararamdaman ko ngayon na kahit balutin na ng yelo ang buo kong katawan dahil sa lamig, hindi ko pa rin magawang umalis dahil pakiramdam ko'y punong-puno ang puso ko ng kalayaan.
Hindi ko alam kung makasasama ba ito sa akin pero unti-unti na akong nawawalan ng paki.
"Ayaw mo pa bang umuwi?" biglaang tanong sa akin ni Fire dahilan para bahagya akong mapatingin sa kaniya.
Nakita ko ang mga mata niyang nakatitig lang sa kalangitan. Hindi ko maiwasang humanga dahil kahit hindi ko tanaw ang mga ulap ngayon, nakikita ko pa rin ang mga nagkikinangang bituin. Napakaganda ng mga mata niya na halos mahinuha ko na ito sa isang kakaibang tala.
"Ang sarap sa pakiramdam ano? Ang sarap kapag na
