Ilang oras na rin akong nakaupo sa tabi ni Fire. Nasa tabi ko si Mama pero hindi niya ako nagagawang kausapin sa 'di malamang dahilan. Hindi ko alam kung ano ang rason niya, kung nhihiya ba siya o nagagalit sa akin dahil sa nangyari kay Fire pero base sa itsura niya, hindi ko makita na nagagalit siya sa akin.
Nagpakawala ako ng isang mabigat na paghinga pagkatapos ay muli kong hinaplos ang kamay ni Fire. Hindi ako sanay sa presensya na nararamdaman ko mula sa kaniya, nagiging rason ito para gustuhin ko ang umiyak na lang at magkulong sa kuwarto. Alam ko naman na hindi ko dapat sinabi ang mga salita na 'yon, alam ko na hinid ko na dapa inulit ang nangyari noon pero heto ako, pinagdadaanan na namang muli ang mga alaala na pinipilit ko nang makalimutan.
Napatingin ako sa maamong mukha ni Fi
