"Nahihirapan kasi ako Mayumi. Hindi ko alam kung paano ako makakalapit kay Abel lalo na ngayon na may kasintahan pala syang iba," malungkot na sambit ni Dahlia sa munting lambana.
Nasa loob sila ngayon ng elevator papunta sa ika labing tatlong palapag. Marunong na syang gumamit mag isa ng elevator dahil tinuroan sya ni Daisy. Si Daisy ay nauna ng pumunta sa ika sampung palapag kung saan ito naka tukang mag linis.
"Pero mahal na diwata tumatakbo ang oras. Alam mo namang isang daang araw lamang ang ibinigay saatin ng Inang Diwata para mapagtagumpayan ang misyon."
Nababahala si Mayumi dahil ilang araw na ang nasasayang nila ni Dahlia. Nakita na nga nila ang matagal na nilang hinahanap ngunit hindi naman nila ito makuha. Napabuntong hininga naman si Dahlia. Matagal na nyang iniisip kung ano
