Alodia
Hindi ko alam kung ano ang relasyon namin ngayon ni Ethan. Tuwing gabi ay lihim kaming nagtatagpo sa may malapit na parke sa pinagtatrabahuhan kong fast food chain.
Mas pinili kong ilihim sa iba ang espesyal naming relasyon ni Ethan. Kahit ang mga kaibigan ko ay walang ideya sa closeness naming dalawa.
Naglatag kami ng malaking kumot sa gitna ng parke at sabay kaming nahiga doon habang pinagmamasdan ang mga bituin. Labis na ligaya ang nag-uumapaw sa puso ko dahil kasama ko si Ethan.
“Bakit ayaw mong sabihin sa iba ang tungkol sa atin? Gusto mo pa ay ipagpatuloy ko lang ang pakikitungo ko kay Athena?” tanong ni Ethan habang hawak nya ang palad ko.
Huminga ako ng malalim.
“Natatakot ako.” Maikling sagot ko
Ibinaling ni Ethan ang kanyang ulo sa akin at pinakatitigan nya ako. Nak
