Matapos niyang pakalmahin si Aries ay hinarap niyang muli ang Tatay niya at ito naman ang inasikaso. Nahimasmasan na rin ang binata kaya tinulungan siya nito at ito na mismo ang umalalay sa Tatay niya papasok sa bahay nila. Dinaluhan naman agad sila ng Nanay niya na kalalabas lang galing kusina. At ipinagpasalamat na rin niya na ngayon lang ito lumabas at hindi sila nito nakita kanina.
“Salamat, Aries, ha? Pagpasensyahan mo na ang Tatay Andro mo. Kung bakit kasi ang lakas ng loob maghamon, eh, siya naman itong madaling tumumba!” Napapailing na wika ng Nanay niya. Kumuha ito ng bimpo pampunas sa pawis ng Tatay niya.
Nilingon niya si Aries na nakatayo sa tabi niya. Hinawakan niya ito sa kamay at nginitian.
“Okay ka na, ha?” Bulong niya dito. Hindi niya hinayaan na magmukmok ito kanina. Hi
