Napangiti na lang si Zoe sa ginawang paghalik sa kanya ng kaibigan kahit maraming tao ang nakatingin sa kanila.
"Kumusta na po, Ma'am Zoe?" tanong ng guwardiya ng hotel sa kanya.
"Okay na po ako," tugon naman ni Zoe sa guwardiya saka niya ito nginitian bago siya tumalikod at nagtungo sa elevator.
Pagsakay ng elevator ay nakasabay na naman nito si Joshua. At sa oras na iyon ay hindi na pinalagpas ng binata na hindi siya makausap nito. Nagkatinginan ang dalawa. Pakiwari ni Zoe ay may importanteng sasabihin sa kanya si Joshua. Ngunit, hindi lang ito makapagsalita dahil marahil ay nahihiya ito sa mga taong kasama nila sa elevator. At nang magkaroon ng pagkakataon ay lumapit si Joshua sa kung saan nakapwesto si Zoe. Dinikitan niya ito pero ang dalaga naman ang umiiwas sa kanya. Walang kaala
