Tahimik na iginala ni Mico ang kanyang mga mata sa maliit na apartment na tinutuluyan ni Lacim. Hindi naman magkandatuto si Lacim na kinukuha ang mga sinampay niya na natuyo na at inilalagay iyon sa nag-iisang built-in cabinet na pinaglalagyan ng kanyang mga damit. Kanina pagkatapos nilang magkita ni Mico ay hindi ito pumayag na hindi niya isama sa kung saan siya nakatira. At kahit na tumanggi siya ay ipinilit pa rin iyon ng kanyang kaibigan, at wala siyang nagawa kung hindi ang pumayag na para matapos na. Alam naman niyang hindi siya nito titigilan hangga’t hindi siya pumapayag sa gusto nito.
“Pasensiya na Dude, small place lang talaga ang lugar na ito.” wika ni Lacim na bahagya pang natatawa, alam na alam niya na ang mga titig ni Mico sa kanya ng sandaling iyon. Hindi pa rin ito maka
