Kinabukasan, kasalukuyang nagluluto ngayon si Vicky ng pang umagahan sa kusina. Sopas ang niluluto nito dahil ito ang paborito ng kan'yang anak bagamat tulog pa naman ito.
Nakaramdam siya na parang hindi lang siya nag-iisa. Lumingon ito at laking gulat na lang nang makita niya ang batang paslit. Ngumiti ito subalit wala man lang makita sa bata ang sagot.
Bahagyang lumapit si Vicky at yumukod sa nakaupong bata mula sa upuan. Kinausap niya ito at marahang hinaplos nito ang buhok.
"Gusto mo bang kumain?" mahinahong sabi nito na may ngiti sa kan'yang labi. Hindi siya umimik at tanging tinitigan lang siya nito. Matagal na naroon si Vicky ngunit hindi talaga ito nagsasalita.
Napangiwi na lang ito at aalis na sana siya nang magsalita ang bata.
"I'm hungry," mahinang bigkas nito.
Napangiti
