Sachzna's POV
“My... hindi naman siguro...”
Kumakabog ang dibdib ko na para bang tumakbo ako ng ilang kilometro. Hindi pa rin kayang tanggapin ng isip ko ang posibilidad na buntis ako. Isang gabi lang ‘yun! Isang beses lang may nangyari sa amin! Posible ba talagang mabuntis ako dahil lang doon? Pakiramdam ko, pinagtitripan ako ng tadhana.
“Ayan na nga ba ang sinasabi ko sa’yo!” Hinampas ni Nanay ang ibabaw ng mesa, at tumalbog pa ang baso ng tubig. “Tatanga-tanga ka! Di ka ba gumagamit ng kapote?”
Napakagat ako sa pang-ibabang labi ko at umiling. Hilam na sa luha ang mga mata ko, pero pinilit kong hindi umiyak. Kahit naman nakainom ako noong gabing ‘yon, tanda ko pa rin na hindi talaga siya gumamit nun. Masakit pa nga ang katawan ko nang maligo ako kinabukasan, at hindi ko makalimutang
