◐ Aldrich point of view ◑
Sobra ang kaba na nararamdaman ko habang papalapit sa lugar kung saan ko narinig ang sigaw ng babae. Una kong nakita ay ang tatlong lalaki na may hawak na baril. Hindi sa direksyon ko sila nakatingin kundi sa kanan. Kinabahan ako lalo nang makita ko na parang may babarilin sila. Kaya mas binilisan ko pa ang pagtakbo ko pero nagulat ako nang may humarang sa akin.
"Damn! bakit ka nandito?" tanong niya sa akin.
Napatingin ako sa kanya nang matagal upang masiguro na siya nga talaga si Euphy. Napaangat ako ng tingin, nakita ko ang tatlong lalaki na nasa direksyon na namin nakatingin. Muli kong tiningnan si Euphy para sabihin na nakatingin na sa amin 'yung tatlo. Pero bago ko pa man sabihin ay narinig ko ang pagkalabit ng gatilyo. Bago pa man kami tamaan ay hinatak
