Ang kalembang ng kampana, masakit sa tenga ko! Ang liit lang ng simbahan na'to pero ang tunog nito, nakakatulig sobra. Mabilisan talaga ang kasal nina Cyrish at Uncle Tom kaya napangiti ako. Nakikinita ko ang sa'min ni Zyair pero nang mabaling ang tingin ko sa kaliwang bahagi ng upuan, nawala ang ngiti ko. Magiliw na nakatingin sa altar si Lorin kaya napabusangot ako. Kahit sa'n ko tingnan, animo isa itong buhay na manika sa paningin ko. Magmumukha akong alalay nito kapag tumabi ako rito. Nakaka-insecure na talaga!
"You may now kiss the bride."
Pahapyaw ko lang itong narinig kay father nang biglang lumakas ang hangin kaya napalingon ako sa b****a ng maliit na simbahan. Guni-guni ko lang siguro nang may tumawag sa'kin. Lately, para na lang laging may nakatingin sa'kin pero kapag susuriin
