Everything was all set including the high class dishes, the expensive liquors, and the program itself for the fortieth founding anniversary of Khan Daily Bulletin. Ilang minuto pa lang ang nakalipas matapos buksan ang higanteng gate ng mansyon nang sunod-sunod na magsipasukan ang mga magagarang sasakyan.
Hindi naman talaga palaging bukas ang Khan mansion sa ibang tao lalo na’t hindi pamilya. Kung may pagdiriwang sila, mas pinipiling pribado. Ngunit bilang pasasalamat sa mga empleyado at mga customer na tumatangkilik sa kanila, sa tuwing sumasapit ang kaarawan ng dyaryo ay sa mismong tahanan ito ginaganap.
Suot ang magarang barong Tagalog, nakatayo si Roberto sa balcony at tahimik na pinagmamasdan ang mga pamilyar na bisitang pumapasok sa front door. Ang ilan dito’y editors, journalists,
