Practice
Weena's POV
NAGISING AKO na sobrang gaan ng aking pakiramdam. Masaya akong bumangon at biglang kumalam naman ang sikmura ko, kaya't pumunta ako sa kusina. Naghalungkat ako ng aking puwedeng kainin at nakita kong punong-puno ng stocks ng mga masasarap na pagkain ang bawat sulok ng kabinet pati na rin sa refrigerator. Agad nagningning ang mga mata ko, hulog ng langit talaga ang nangyari sa 'kin at daig ko ang naka-jackpot sa lotto. Dati'y halos puro tubig at itlog lang ang bubungad sa 'kin sa refrigerator na hindi lumalamig at kailangan pang bumili ng tig-tres na yelo sa sari-sari store. Kinuha ko ang isang pakete ng mga masarap na tinapay, mamaya na lang ako babawi kapag tanghalian na.
'Gagawin ko talaga ang lahat para makapagtapos ako at hindi ko rin sasayangin ang tiwala ni Ti
