Spark
Third Person's POV
NAPAKASAYA ng hapag-kainan ng mga Lagdameo lalo na't dinala ni Kennedy si Weena sa kanilang tahanan. Natutuwa siya na komportable sila sa isa't-isa.
"Hija, saan ka nga pala nakatira ngayon? Kasama mo ba'ng pamilya mo o hindi?" tanong ng kaniyang ama na si Iero. Napatingin naman sila sa isasagot ni Weena ngunit nakita niyang tila nahihiya ito.
"Ahm. . . Sa Yakal Street po talaga kami nakatira pero sa ngayon po'y nakatira po 'ko sa isang dorm malapit po sa Hunkros," nahihiyang sagot ni Weena at nagtaka naman siya lalo na't pamilyar ang lugar na 'yon at hindi siya makapaniwala na ro'n pala nakatira ang pamilya nito.
"Yakal? Hindi ba't do'n ang bagsakan ng mga murang paninda sa iba't-ibang mga tindahan at palengke?" Mahinhing tumango naman si Weena sa saad ng kani
