"Ahm, oo marunong ako. Nasubukan ko na nga rin ang mag-drive ng isang delivery truck," narinig kong sagot ni Jethro sa akin, na siyang kaagad ikinaliwanag ng mukha ko. Pero kaagad din akong nagbaba ng tingin para itago sa kanya ang bahagya kong pagngiti.
"So, marunong ka pala," tanging nasabi ko sa kanya, bago ko tuluyang kunin ang tasa ng kape kong nakapatong lang dito sa harapan ko at sa ibabaw ng mesa. Nang maangat ko na ang tasa ay kaagad ko na rin itong inilapit sa bibig ko para makasimsim ako ng kaunti.
"Oo, bakit mo ba tinatanong?" narinig ko namang sagot sa akin ni Jethro. Bahagya naman akong nagbaling sa kanya ng tingin at maging siya ay sumisimsim na rin ngayon ng kape niya. Marahan naman akong napatango-tango matapos kong malunok ang kape na ininom ko dahil masarap siya. Pagka
