Banayad lang ang pagpapatakbo ni Mang Jeffrey dito sa sinasakyan naming van, dahil maluwag at walang traffic dito sa kalsadang dinaraanan namin. Mabuti na lang at wala namang lakad ngayon si Aunt Mildred, kaya ipinahiram niya muna sa akin si Mang Jeffrey para ipagmaneho ako, habang wala pa akong naha-hire na bagong driver ko. Ilang saglit lang ay naibaba ko ang tingin ko sa wrist watch ko para tignan ang oras dito, bahagya na lang akong napanguso no'ng makita kong mag-aalas nuebe y medya pa lang ngayon ng umaga.
Ilang segundo lang ay kaagad namang nabaling ang atensyon ko sa tunog ng cellphone ko rito sa loob ng bag, dahil para bang nag-notify ito sa isang text message. Pagkabukas ko rito sa bag na nakapatong lang sa lap ko ay kaagad ko na ring hinagilap at kinuha ang cellphone ko sa loob
