"Siya dapat ang magsusuot nito sa akin, sa mismong araw ng kasal namin," narinig kong sabi ni Celine, na siyang sandali kong ikinatahimik. Nagbaba na lamang ako ng tingin bago ko pa bitawan ang kamay at daliri nitong may suot ng sing sing.
"Hindi pa ako nakakaalis no'n dito sa bahay, no'ng tumawag sa akin ang parents ni Mike para sabihing patay na siya. Naaksidente ang sinasakyan nitong kotse papunta sa simbahan kung saan kami ikakasal, sobrang sakit," sa sinabing iyon ni Celine ay kaagad akong nag-angat sa kanya ng tingin. Nakatutop ang kanang kamay nito sa sariling bibig habang pilit na pinipigil ang muling paghagulgol, napalunok na lamang ako sa sariling laway dahil hindi ko maiwasan ang makaramdam ng awa sa nakikita kong hirap at sakit na nararanasan niya ngayon.
Hanggang sa bigla n
