"Maraming salamat sa pagpapatuloy mo sa amin dito, balae," narinig naming pasasalamat ni Mang Rudy kay Aling Edna, habang palabas na kami ngayon dito sa terrace ng bahay nila.
"Bakit hindi na muna kayo manananghalian dito?" sagot naman ni Aling Edna, na para bang ayaw pa kami nitong paalisin. Nang tuluyan na kaming makalabas ng terrace ay sandali kaming nahinto para harapin si Aling Edna.
"Naku, balae, hindi na at kami ay nagmamadali na rin. Salamat na lang ha," kaagad namang sagot ni Mang Rudy sa alok ni Aling Edna. Napabuntong-hinga na lamang ito bago tuluyang magsabi ng, "O, sige. Mag-iingat na lang kayo sa biyahe ha," pagkasabi no'n ni Aling Edna ay nagbaling ito ng tingin sa aming lahat. Ngumiti ito sa amin kaya naman bahagya na rin akong ngumit sa kanya, ilang sandali pa ay bahagya
