Aalis na sana kami sa harapan ng lumang gate, no'ng bigla rin kaming matigilan sandali dahil sa isang matandang lalaki. Naglalakad na ito ngayon palapit sa amin pero parang dadaan lang naman ito, sa tingin ko ay baka nasa 60s na ito.
"Wait ah, ako na lang ang magtatanong," presenta naman ni Caresse, bago nito tuluyang salubungin ang matandang lalaki. Kaya lang naman talaga kami huminto ay para makapagtanong pa sa matanda, nagbabakasakali na baka may alam siya tungkol sa bahay na ito at sa last name na Fuentabella.
Ilang minuto lang ang nagdaan at tuluyan na ring nakarating malapit sa amin ang matandang lalaki, pero gaya nga nang inaasahan ay kaagad din itong napahinto sa paglalakad, no'ng oras hindi na nagdalawang-isip pa si Caresse na harangan ito at salubungin.
"Ahm, good afternoon po
