Pagkatapos kong yakapin si Caresse ay bigla naman akong natigilan no'ng bigla na lang magpatay-sindi ang ilaw dito sa loob ng kwarto ko. Kaagad ko namang naramdaman ang higpit ng pagkakahawak ni Caresse sa braso ko bago ito tuluyang magsalita at magsabing, "W-What's that? B-Bakit namamatay ang mga ilaw?" Hindi ko na lamang naiwasan pa ang mapalunok sa sariling laway, no'ng mapansin ko sa boses nito na sobra na siyang natatakot. Ilang saglit lang ay tuluyan na ngang namatay ang ilaw dito sa loob ng kwarto, kung kaya't lalo pang nagsumiksik sa akin si Caresse.
Awtimatiko namang nabaling ang tingin ko sa cellphone ni Caresse, no'ng bigla na lang din itong magpatay-sindi. Kaagad na rin itong nakita ni Caresse kaya naman hindi na nito napigilan pa ang mapasigaw sa takot, "K-Kiara!" Halos mapan
