Amara
Manghang-mangha ako sa tanawin na nakikita ko mula sa itaas. Parang nagmistulang mga laruan ang mga kabahayan at kabundukan dahil sa taas ng aming lipad sakay ang chopper na pagmamay-ari ng pamilya ni Galvert.
Mahigpit ang hawak ko sa mga kamay ni Galvert habang pinagmamasdan ang buong tanawin dahil ang totoo ay matatakutin ako sa matataas na lugar. Kapag hindi nya hinawakan ang mga kamay ko ay malamang na hindi ko kinayang pagmasdan ang tanawin.
Matapang ako sa ibang bagay ngunit nangangatog ang mga tuhod ko kapag nasa itaas na bahagi ako ng isang lugar. Kagaya ngayon, nasa ere kami at kitang kita ko ang kagandahan ng Pilipinas mula rito.
“Nagustuhan mo ba ang surprise ko?” tanong ni Galvert habang ipinatong nya ang kanyang baba sa aking balikat.
“Oo naman. Sobrang ginulat mo
