“Ikaw naman ang magbukas ng pinto,” utos niya sa kaniyang kapatid sapagkat abala pa siya sa pagbubukas ng regalo mula kay Gila kuno. Wala siyang ideya kung ano iyon.
May naunang katulong na kumatok kanina at iniabot sa kanila ang isang box na ipinapabigay daw sa kaniya ni Gila. Nang tanungin niya naman kung bakit hindi ang lalaki ang nag-abot sa kaniya’y nakauwi na raw ito.
Napangiti siya pagkakita sa maliit na notes.
Skiah needs an artificial sun at night. So here’s a gift for her and to make you smile! –Gila
Nangingisi niyang naikiling ang sariling ulo sa kanan.
“Ano ‘yan?”
Nag-angat siya ng paningin sa kapatid. Awtomatikong nabura ang kaniyang pagkakangiti pagkakita niya rito na nakasandig sa pinto ha
