Camille’s POV
Nang alukin ako ng kasal ni Damon, hindi ako makapaniwala.
Para akong binuhusan ng malamig na tubig hindi dahil sa takot, kundi dahil sa gulat. Sino ba naman ako para alukin ng kasal ng isang tulad niya? Isang bilyonaryo. Isang lalaking hindi ko kailanman inakalang magiging parte ng buhay ko, lalo na sa ganitong paraan.
Akala ko noong una, biro lang. O baka isa na namang paraan ng “pagsasaayos” ng mga komplikadong bagay sa buhay niya.
Tulad ng lahat ng mga lalaki sa mundo niya lahat may solusyon, lahat kayang i-control.
Pero hindi ako isa sa mga ‘yon. At ang buhay na dinadala ko ngayon, hindi lang basta problema na puwedeng ayusin ng kontrata o pirma.
Ang mas kinagulat ko?
Yung sarili ko.
Kasi sa halip na tanggihan siya agad, nanahimik ako. Nag-isip ako.
At sa loob
