Nagliwanag na uli ang paligid. Tinuyo ni Lara ang mga luha nang maaninag niya ang malabong pigura ng tatlong babaeng nakatayo ilang hakbang mula sa kanya. Nang luminaw ang tingin, nakita ni Lara ang mga kaibigan. Nakangiti na ang mga ito. Wala na ang panunumbat sa mga mata. Wala na rin ang nahihirapang anyo. Wala na rin ang laslas sa mga leeg. Ang mga damit na duguan, ngayon ay purong puti na. At parang may liwanag na bumabalot sa mga katawan ng tatlo.
Umiiyak na nasambit niya ang pangalan ng mga kaibigan.
“Malaya na kami, Lara. Salamat...” nakangiting sabi ni Sofia.
“Matatahimik na kami...” sabi naman ni Annie na nakangiti rin.
“Magpapaalam na kami, Lara…” si Lenna naman, nakangiti rin sa kanya. Napaiyak na lang si Lara. Magkakasunod na lumapit ang mga ito at
