ILANG ORAS ang lumipas bago nagpasya si Lara na buklatin ang diary ni Dante na kanina pa niya tinititigan. Ang diary na iyon ang dahilan kung bakit namatay si Miguel. Siguro, kung nagmatigas siya na hindi na nila itinuloy ang paghahanap sa diary, buhay pa sana ito.
Sa burol hanggang sa libing ni Miguel, hindi iisang beses na nag-collapse si Lara. Si Gabriel ang laging nakaalalay sa kanya hanggang sa huling araw ni Miguel na kasama nila.
Mas naging mahirap ang mga sumunod na araw pagkalibing ni Miguel. Sobrang tahimik sa condo. Maraming beses niyang naisip na tumalon na lang sa building para matapos na ang lahat ng sakit pero sa huli, ang nakangiting mukha pa rin ni Miguel sa picture ang laging nagpapabago sa isip niya.
Kagabi, ang hangin naman na sumalubong sa kanya
