NAPAPAILING si Lara habang sinusundan ng tingin si Miguel. Nagja-jogging ang kaibigan paikot sa tabi ng pool. Maaga pa nang sandaling iyon, lima pa lang silang naroon sa pool area at magsu-swimming.
“Mag-swimming ka na lang kaya, Mig?” puna niya. Sa pool area pa talaga nag-jogging ang loko. Nagpapa-cute lang yata sa dalawang sexy na tenant sa building.
Deadma ang Miguel. Ang cell phone naman ang pinagkaabalahan, nagwa-walking exercise na lang. Pagkalipas ng ilang minuto, inilagay sa tabi niya ang cell phone at nag-dive na sa pool. Sumunod na si Lara. Pabilisan na sila ng paglangoy. At nang mapagod, sumandal na sila pareho sa gilid ng pool, binabawi ang hininga.
Pagkalipas ng ilang minuto, balik sila sa paglangoy. Pinagod ang mga sarili, pabalik-balik lang. Nang umahon
