ANG mahinang tunog lang ng aircon ang naririnig sa kuwarto. Magkatabi sina Lara at Miguel sa kama. Si Lara ang lumipat ng kuwarto bitbit ang box ng patalim. Nasa bedside table naman ang licensed gun ni Miguel.
Bago pumasok sa kuwarto kanina, nag-double check sila pareho ng pinto at mga bintana. Iniwan nilang naka-lock lahat. Wala na sa bangungot ang killer, nasa building na at sumusulpot na lang.
“‘Tulog na, Lara,” si Miguel sa kanya. “Kung sumulpot man bigla si Dante, ikaw ang gagawin kong shield—ah! Oh! Heeyah! Grrr!” Nagpalipat-lipat ng posisyon sa kama na kunwari ay hawak siya, umiilag sa sunod-sunod na pag-atake.
Hinampas niya ng unan ang loko. “Baliw ka talaga!” Dalawa pang magkasunod na hampas ang ginawa niya. “Ginagawa mo pang joke ‘to? Mamamatay na nga tayo
