GABI na nang bumaba ang emosyon ni Lara. Hindi na siya hysterical. Masakit pa rin ang dibdib pero nakapag-usap na sila ni Miguel nang hindi na siya umiiyak.
Ipinakita na sa kanya ni Miguel ang mga photos nila na walang mukha ang mga kaibigan. Agad naalala ni Lara ang eksenang nakita niya si Sofia na walang ulo. Malinaw na ngayon kung ano ang ibig sabihin ng nakita niya at ng mga pictures.
“Pagkakita ko pa lang sa photos, kinabahan na ako,” sabi ni Miguel. “Tinawagan ko silang lahat. Annie and Lenna were safe. Si Sophie, walang sumasagot sa phone. Then minutes later, tumawag ang papa niya dala ang bad news.”
“Napanaginipan ko siya nang gabing iyon,” dugtong ni Lara. “Mig...” Bumaling siya rito at sa nanginginig na boses ay tinapos ang sinasabi. “Three consecutive nigh
