Karl’s POV
TINATAHAK ko ang daan papunta kina Jus nang mapatigil ako nang may bumusina sa likuran ko. Nakita ko ang isang wrangler jeep at may sakay na ilang tao. Tumigil ang wrangler sa tapat ko. Tatlong babae ang nakasakay sa likod at isang lalaki ang katabi ng driver.
“Pare alam mo ba ang bahay ni Justin Noquera?” tanong ng driver. Mukhang taga bayan ang mga ito.
“Ano ang kailangan ninyo sa kaniya?” balik na tanong ko at sinulyapan ang tatlong babae na napangiti.
“Ang kaibigan naming si Roxi talaga ang sadya namin. Pinsan siya ni Justin.”
“Si Roxanne?”
“Yes. You knew her?”
Tumango ako. “Ang totoo’y doon ako papunta ngayon.”
“Kung gano’n ay sumabay ka na sa amin.”
“Sige,” pahinuhod ko at sumampa sa likod ng wrangler nito kung saan nakaupo ang tatlong babae. “Deretsuhin
