Nagtatakang tiningnan naman ni Duday si Elinor. Nangangatog ang dalaga sa lamig at basang-basa.
“Ano’ng nangyari?” usisa niya rito at mabilis na nilapitan siya. Pumunta sila sa kuwarto ni Elinor at kaagad na kumuha ang matanda ng tuwalya para ibigay sa kaniya. Kinuha niya naman iyon at binuksan na rin ni Duday ang heater. Nilapitan niya ito at napakunot-noo.
“May sugat ang gilid ng labi mo. Sinampal ka ba ni, Hades?” Tanong niya. Umiling naman ang dalaga bilang sagot.
“Pinapunta niya ako roon para kuhanan siya ng wine. Pagkatapos hinila niya ako papasok sa jacuzzi at…”
Nahihiyang napaiwas naman ng tingin si Elinor. Hanggang ngayon ay nararamdaman niya pa rin ang labi ni Hades sa bibig niya. Basa at may diin.
“At?”
Huminga siya nang malalim at umiling.
“W-Wala,” aniya. Tinaasan nam
