Napamaang na lang si Hunter nang bigla siyang hilahin ni Maya. Angsarap pa naman ng pagkain niya sa mga inihanda ng mga kaibigan nito para sa pagbisita nila sa Baguio ngunit ngayon na nasilayan niya ang mukha nito ay mukhang hindi siya makakapag-relax.
"Huy, Maya, may problema ba? Saan mo 'ko dadalhin?" halos namumuwalan na tanong niya sa kababata. Hindi ito umimik at dinala siya sa gilid ng bahay nito, kung saan tiyak nito na walang makakarinig sa kanila.
"Hunter, kailangan... kailangan nating mag-usap," halos pabulong na sabi nito sa kanya.
Napakunot ang noo niya. "Sure, I'm listening."
Nahihiyang nakagat nito ang labi nito at sinulyapan siya. "Puwede bang hindi malaman ni Papa 'yong kasunduan natin? Nakita niya sa TV 'yong interview at alam niya na nobya mo ako. Ayoko lang na isipin
