Chapter 40
Suzanne Medina
Sa wakas, natapos ko na rin ang portfolio ko. Mabuti pa si Aileen madali lang natapos kaya ayon nauna ng umuwi. Ang kukulit kasi ng mga tao sa amin kaya hindi ko magawa ng maayos itong portfolio ko.
"Tapos ka na ba r'yan sa portfolio mo, Miss Medina? Isasama ko na r'yan rito sa iba pang portfolio nang isahan na lang ang pagpasa ko kay Mrs. Principal," Tanong ni Misis Santos.
"A, sige po. Maraming salamat," Inabot ko na sa kanya ang portfolio ko.
"O siya, sige mauna na ako. Siya nga pala, nakasalubong ko 'yong boyfriend mo. Pinapapasok ko na nga kanina. Sabi niya bibili pa raw siya ng makakain mo baka raw matagalan ka pa. Ang sweet ng boyfriend mo para lang 'yong mister ko no'ng kabataan namin,"
Hindi ko mapigilang hindi kiligin. Kasi naman lahat sila akala
