HABANG nasa “bat cave” ni Cedric sila ni Ike, natagpuan ni Pippa ang sarili na sinusulyap-sulyapan ang lalaking kasama. Aminado siyang hindi gaanong nakatuon sa pelikulang pinapanood ang kanyang atensiyon at isipan. Napagtanto niyang mas masarap pagmasdan ang mukha ni Ike sa malapitan. Alam niya na nararamdaman nito ang kanyang mga matang patingin-tingin. Imbes na tumigil sa ginagawa at ituon ang mga mata sa malaking plasma flat screen TV, patuloy siya sa pagsulyap-sulyap habang kumakain ng bayabas. Nararamdaman din kasi niyang patingin-tingin din sa kanya si Ike. Ramdam niyang hindi rin nakatuon ang buong atensiyon nito sa pinapanood.
Hindi nagtagal ay hindi na rin niya natagalan ang lahat. “Umamin ka nga,” aniya habang hinaharap ang binata. “Naiilang ka, `no?”
Hinarap din siya nito, ma
