MAAGANG dumating ang mga representative na titingin sa mga palayan. Kaagad na sinamahan ni Ike ang mga ito sa bukirin. Habang nasa labas ang binata, naging abala sina Pippa at Sheryl sa paghahanda ng makakain. Isang oras nang wala sina Ike sa bahay nang dumating ang ibang mga bisita. Inaasahan na ni Pippa na may makakasama sa pagbiyahe si Armie. Ngunit hindi niya inasahan na dalawang van ang isasama nito.
Namimilog ang mga mata ni Pippa habang nakatingin sa prusisyon ng mga sasakyan sa kanilang bakuran. Bumaba ang mga driver ng sasakyan at pinagbuksan ng pintuan ang mga sakay. Parang itinulos sa kinatatayuan si Pippa habang pinagmamasdan ang mga taong lumalabas ng van. May mga batang kasama. Hindi kaya naligaw lamang ang mga ito at hindi talaga sa kanila ang tungo?
“Daddy! Daddy! Let’s g
